• Portada
  • >
  • Llingua
  • >
  • Iniciativa pol Asturianu presenta un informe con midíes a desendolcar a costu cero no que queda de llexislatura

Iniciativa pol Asturianu presenta un informe con midíes a desendolcar a costu cero no que queda de llexislatura

  • 6 Abril, 2022

La organización ufierta’l documentu como una guía de trabayu en política llingüística pa esti añu que queda de gobiernu: “L’asturianu únicamente precisa voluntá de trabayu, d’esfuerciu y d’imaxinación”

Les propuestes, a costu cero, valen p’acallar a los qu’esgrimen la falacia del coste del asturianu pa les arques públiques

Nos drechos hai qu’invertir y cuando son lligüísticos ta comprebao qu’esa inversión torna, xenerando beneficios tamién nel tarrén económicu. Sicasí, Iniciativa pol Asturianu quier destacar que ye más una cuestión d’enfotu que de perres y que d’haber intención ye muncho lo que se pue facer pol asturianu, incluso a coste cero.

Asina, ta acabante de presentar un informe con doce propuestes a costu cero nes que trabayar nestos doce meses que queden de llexislatura del Gobiernu d’Asturies. La organización pretende con estes midíes dar un emburrión a la política llingüística con delles aniciatives a desendolcar de baldre por parte de l’alministración autonómica. Les midies contemplen cuestiones comu rotulación, megafonía, atención al públicu, espeutáculos y fasta dolce propuestes concretes aplicables pa entidaes, empreses y alministración pública.

La organización fexo públicu esti documentu como una guía de trabayu pa la Dirección Xeneral de Política Llingüística y pretende apurrilu a otros entes como la RTPA ya otros organismos, como les rules o los clús esportivos. La organización señaló que “si se fae esti esfuerciu y se desendolquen estes propuestes de trabayu, llograríase dar un pasu alantre na normalización social del asturianu colos recursos esistentes”.

Nesi sen, Iniciativa polAsturianu recordó que “les propuestes son a costu cero cola finalidá de llogralos utilizando los recursos esistentes. L’asturianu únicamente precisa voluntá de trabayu, d’esfuerciu y d’imaxinación. Ye’l momentu d’aprovechar el tiempu que queda de llexislatura y sacar alantre propuestes pa siguir normalizando l’idioma”.

 

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies