• Portada
  • >
  • Cultura
  • >
  • Dixebra llanza’l 22 d’abril “ente la niebla”, un trabayu que xune música, lliteratura ya illustraciones

Dixebra llanza’l 22 d’abril “ente la niebla”, un trabayu que xune música, lliteratura ya illustraciones

  • 31 Marzu, 2022

‘Ente la niebla’ va ser un ambiciosu discu-llbru formáu por venti cantares dedicaos a la memoria de las clases populares asturianes y que’l grupu va presentar en directo’l 6 de mayu n’Uviéu, coincidiendo col Día les Lletres

Dempués de 35 años de carrera ininterrumpida, Dixebra vuelve a l’actualidá discográfica cola so obra más ambiciosa y personal. El 22 d’abril espublicen ‘Ente la niebla’, un llibru-CD con 118 páxines y 20 nuevos cantares nos que’l míticu grupu avilesín de rock astur percuerre la historia de la clas obrera asturiana de la man de periodistes, escritores, profesores, historiadores, ilustradores, dibuxantes… dando llugar a una obra conceptual na que reflexonen sobre’l pasáu, el presente y el futuru de la clas obrera asturiana.

Con esti filu conductor preséntase un conxuntu de venti cantares -ordenaos cronolóxicamente- que traten de la llucha obrera, la resistencia antifascista, la represión franquista, l’exiliu, los fugaos, la emigración o les movilizaciones populares. Musicalmente van sentise composiciones d’aire distintu ente sí: rock, reggae, ska, folk, funk, metal… nuna bayura de soníos que sigue la filosofía musical dixebriega. Un exemplu de too esto ye’l single “Ente la niebla”, primer de los dos adelantos que’l grupu va asoleyar.

La obra tien tamién un calter colectivu. Y, amás de les collaboraciones musicales de Toño Gómez (trombón), Rubén Bada (violín), José Manuel Tejedor (gaita), Javier Tejedor (acordión), Lluci Palomares (voz) o Bárbara González-Quevedo (voz); van tar los testos y ilustraciones de nomes como Rubén Vega, Pablo Texón, Marta Mori, Rafa R. Valdés, Irene Faza, Faustino Zapico, Miguel Solís, Penélope Miranda, Alfonso Zapico, Nieves González, ente otros. Amás, el llibru -que compila tamién semeya histórica- va abrise con un testu de Primi Abella (guitarrista) onde fala de cómo foi’l procesu de creación de los cantares y de les temátiques de caún, y va zarrase con otru de Xune Elipe (cantante) sobre la rellación histórica de la música y les lluches de les clases populares asturianes.

Yá se pue sentir nes plataformes dixitales un adelantu d’esti trabayu que va presentase en directu’l 6 de mayu a les 20.30h  na sala Tribeca d’Uviéu. Les entraes físiques yá tán a la venta por un preciu anticipáu de 12 € en L’Esperteyu (Uviéu), Trisquel (Xixón), El Cafetón (Avilés) y online en Woutick.es. A esti conciertu van siguir otros nueve yá confirmaos, tanto dientro como fuera d’Asturies, que la banda va dir anunciando.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies