Los productos propios nun subieron de preciu, nun se ven malpenes afeutaos polos costes de tresporte y nun dependen de camioneros pa llegar a los sos veceros

Los piqueños productores que venden direutamente tan viendo comu la escasez de suministros ta derivando la compra a les sos güertes, notando un espoxigue de la so cifra de negociu. Tantu los que venden a pie de güerta -comu se fae por exemplu nes finques de Xove, en Xixón- comu los que lleven el productu a domiciliu o los que venden en mercaos reconocen que tan viéndose beneficiaos pola güelga del tresporte.

Tantu’l desabastecimientu comu’l miéu a elli tan faciendo que los veceros de siempres merquen más cantidaes, pero nun ye solo eso; son munchos los que se tan decatando de les ventaxes de la compra de cercanía, más barato al nun se ver afeutao polos xorrecientes costes de tresporte, más fresco y non dependiente de les cadenes de distribución.