• Portada
  • >
  • Mediu Ambiente
  • >
  • La Confederación Hidrográfica sanciona el baltu y tresporte d’ocalitos n’Obaya

La Confederación Hidrográfica sanciona el baltu y tresporte d’ocalitos n’Obaya

  • 21 Marzu, 2022

La denuncia presentá pola Coordinadora Ecoloxista derivó nun espediente sancionador por infración de la Llei d’Agües contra una empresa maerera, na cuenca d’Obaya, en Gobiendes, conceyu de Colunga, onde  taba tresportandose maera con un fuerte impautu nos calces de la zona

La turbidez nos regatos de la fastera debíase al baltu y tresporte masivu d’ocalitos, que saturaba los calces de sólidos col continúu pasu de maquinaria pesada nos alrodios, contaminando’l dominiu públicu hidráulicu y degradando l’entornu.  

La CEA lleva años asgaya apinando denuncies y prebes de l’agresividá pa col mediu y pa la población de l’actividá de baltu y tresporte d’ocalitos, que non solo daña la ñatura, sinón les infracadarmes de comunicación, non preparaes pa  maquinaria pesada, estrozando carreteres ya invadiendo caleyes vecinales al tiempu que contaminen regatos y fontes.

Tou ello asociao a la plaga de los ocalitos, cuyos llantíos ocupan ya cuasi 70.000 hectárees y son ya la especie más presente na masa forestal del país, siendo ello que nel 2018 ya se  superare la superficie que’l plan forestal vixente calculaba que ocuparíen nos años posteriores al 2050.

Redaición InfoAsturies


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies