La Fundación Asturies XXI convoca’l IX Concursu de la Meyor Primer Sidre l’Añu

  • 8 Marzu, 2022

La edición anterior cuntó cola participación de 38 llagares, pesia tar en plenu andanciu, faciéndose col primer puestu  Sidra Huerces, seguida de Viuda de Angelón y de Riestra

La Fundación Asturies XXI cola collaboración de la revista LA SIDRA entamen ca añu un concursu pa escoyer la meyor sidre sobre la madre, ensin trasegar y recién salío del tonel, la primer sidre del añu que s’espicha tradicionalmente pente marzu y abril.

Esti ye l’únicu concursu que valora sidre d’estes característiques en tol país, y con elli pretenden poner en valor esta variedá de sidre, que tuvo a puntu esapaecer por mor de la industrialización de los llagares y la práutica cuasique sistemática del trasiegu.

Esta edición de la IX Meyor Primer Sidre l’Añu cellebraráse na Sidrería La Montera Picona de Ramón, en Xixón, en dos xornaes estremaes. La primera sedrá’l sábadu dos d’abril, onde se procederá a faer una esbilla ente les presentaes, escoyendo les 7 meyores, y la final tendrá llugar el sábadu 9 d’abril y nella decidiráse cuala ye la Meyor Primer Sidre d’esti añu, que sedrá la sidre oficial d’esta XII Primer Sidre l’Añu -PSLA’22-, eventu que se cellebrará del 14 al 17 d’abril nel Muséu del Pueblu d’Asturies.

Alberto Rodríguez

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies