A la fin de la charra presentaráse’l llibru “Llugares Máxicos d’Asturies”

Bertu Ordiales, biólogu y autor del llibru Llugares Máxicos d’Asturies, va ufrecer una charra sobre’l míticu y sagráu árbol de los ástures: el texu, faciendo comparanza con otros texos del Arcu Atlánticu. A lo cabero, l’autor fadrá una presentación del so llibru Llugares máxicos d’Asturies, que fala de la mitoloxía de los vieyos astures y de llugares onde la maxa del so pasáu entá sobrevive nel presente con una fuercia imposible de disimular.
L’eventu tendrá llugar na sede de la Lliga Celta d’Asturies, allugada nel Hotel d’Asociaciones Santuyanu, cai Rosa María Menéndez López 48, planta suétanu, Uviéu.
La entrada ye de baldre fasta completar aforu.

Redaición InfoAsturies

This work is licensed under a Creative Commons Attribution 4.0 International License.