Dellos conceyos alantren a güei los sos manifestamientos pa posibilitar l’asistencia masiva al de Xixón, que saldrá mañana 8M de la Plaza Toros a les 19:00
L’8M lleva entamáu dende febreru. N’Asturies son Les Comadres les qu’abren la temporada feminista y esti añu incluso hebio un alantru, cola cellebración del ‘Domingas Fest’, que se cellebró’l sábadu 20 de febreru en Cangues de Onís. Tres de les cellebraciones revindicatives de Comadres en conceyos como Sieru o Avilés, Mieres acoyó una Asamblea presencial el día 27, na Casa de Les Muyeres, Llanes protagonizó una concentración feminista’l día 3 de marzu y los mercainos feministes ocuparon les cais d’once conceyos no que va de mes. Esti sábadu la ‘revuelta ciclofeminista’ percorrió Xixón y güei mesmo tendrán llugar tres manifestamientos, n’Avilés a les 11, en Sama a les 12 ya’n Llanes a les 19:00. Too ello comu precalentamientu del macroencuentru más esperáu, la cita en Xixón el mesmu 8M a les siete la tardi. El mesmu díe a les 12:00 habrá llectura de manifiestos nes Places de los Conceyos ya’n Cabrales tendrá llugar, a les cincu la tardi, la marcha feminista del Oriente.
“Con toes, a por toes” llema col qu’Asturies Feminista llama a la movilización, recalca la xunidá del movimientu y la necesaria aceutación de la diversidá de les muyeres que lluchen polos sos drechos, al tiempu de qu’avisa de que les muyeres nun cuenten frenar la so llucha por munchos pilancos que se-yos pongan.
Nuria Prendes
This work is licensed under a Creative Commons Attribution 4.0 International License.
