Atyla torna a Xixón

  • 4 Marzu, 2022

El veleru históricu Atyla, que podrá visitase por primer vegada de magar 2019, va recalar en Xixón dos vegaes mientres 2022, una en Selmana Santa y l’otra en agostu

Trés años dempués, el veleru históricu Atyla, de 31 metros d’eslora y aspeutu de barcu pirata, volverá ensobiar nos muelles del Puertu esportivu de Xixón. Esta impresionante embarcación de maera ta ispirada nes goletas del sieglu XVIII. La embarcación ta xestionada pola Fundación barcu Atyla, una organización benéfica que promueve habilidaes como la intelixencia emocional, la comunicación intercultural y el trabayu n’equipu.

Les feches previstes de les escales d’esti barcu en Xixón/Xixón son el 14 d’abril y los díes 21 y 22 d’ agostu. Pueden vese tolos detalles de la visita y los viaxes en Atyla.org/ye/gijon

Nes dos escales en Xixón, el barcu tará abiertu al públicu de baldre gracies al sofitu de “Visita Xixón” .

Anantes de la pandemia de Covid-19, el Atyla pasara en repitíes ocasiones per Xixón, pero los viaxes programaos pa 2020 y 2021 atayáronse, asina que va cuasi 3 años qu’esti veleru vascu nun pasaba pela ciodá.

Cola evolución positiva de la pandemia, les actividaes turístiques y les actividaes en grupu tán retomándose y la Fundación Barcu Atyla vien d’anunciar los sos viaxes de 2022, con dos paraes n’Asturies, una n’abril y otra n’agostu.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies