El Conceyu d’Ayer pon en marcha’l certame “Ayer pola igualdá y contra la violencia de xéneru”, qu’anima a la so ciudadanía a la creación de vídeos en TikTok

El Conceyu d’Ayer presenta “Ayer pola igualdá y contra la violencia de xéneru”, certame que, alredor del hashtag #Allercontralaviolenciadegénero, va arrexuntar vídeos na rede social TikTok pa concenciar y lluchar pola igualdá y contra la violencia de xéneru.

Pa participar nun ye necesario disponer d’equipos profesionales, basta con un móvil… ¡y una bona hestoria que cuntar! Formar parte del certame ye tan cenciello como xubir un vídeu a la plataforma TikTok col hashtag del concursu y enllenar el siguiente formulariu d’inscripción (enllaz al formulariu), onde tamién pueden consultase les bases.

La temática del certame va ser tolo que concierne a la llucha pola igualdá y contra la violencia de xéneru: denuncia de relaciones tóxiques y de violencia física o sicolóxica, oposición al machismu, detección de micromachismos, etcétera. La duración másima de los vídeos va ser de 60 segundos y pueden utilizase toles posibilidaes creatives qu’apurre la mesma rede social TikTok. Pa poder concursar va ser necesario que la persona participante viva, estudie, trabaye o naciere nesti conceyu asturianu y va poder unviar tantes pieces audiovisuales como deseye.

El certame cunta con dos premios: un primer premiu dotáu con 200 euros y un segundu con 100 euros. La fecha llende pa la inscripción ye’l 31 de marzu, incluyíu, y los ganaores van dase a conocer el 8 d’abril tres el fallu del xuráu, que va tar formáu por representantes de les instituciones municipales y personalidaes del sector audiovisual.

L’oxetivu d’esta convocatoria ye l’estímulu de la capacidá creativa de la ciudadanía del conceyu al empar que se potencia la reflexón y la concienciación pola diversidá sesual y de xéneru. Pa ello escoyóse la plataforma TikTok pola so alta penetración nos estratos más nuevos de la sociedá y pola facilidá de creación audiovisual qu’apurre.

Alberto Rodríguez

This work is licensed under a Creative Commons Attribution 4.0 International License.