Vivir pa trabayar: alendar nun ye vivir

  • 23 Febreru, 2022
Retayos de la vida cotidiana d’un sicólogu
A ver, cúntame un pocu cómo ye la to vida …
– Entardo una hora en dir al trabayu y otra en volver.
– Entro a les 8 de la mañana y avezo salir sobro los siete, si nun hai na estra, claro –
– Teletrabayo tol día, toi metía en casa hasta les ocho, avezo comer delantre’l portátil
– El mio xefe gláyame, bérrame y humildame nes xuntes delantre de toos
– L’añu pasáu vendimos un pimientu y agora pídennos trés como oxetivu –
– Bonu, al mio compañeru echáronlu y agora llevo yo Cataluña, Llevante, Babilonia y el Baxu Exiptu en solitariu, asina que …
– Amás, toi faciendo un Máster en Pipes and Flutes Management, precisu pa progresar profesionalmente.
– Faigo guardies de 200 hores siguíes, ca trés díes, depués fuelgo’l llunes pela tarde, anque depende de la selmana-
– Esconsoño a les 5 pa dir ceo al gym, porque nun tengo otru buecu y hai que curiase.
– Trabayo, estudio y curio del mio fíu de trés años, que tien TDAH, y claro, llévolu al cole, a la clínica y a la sicóloga –
– Nos mios tiempos llibres intento meditar, faer yoga, aprender cocina y un idioma.
Val. ¿Y qué te prestaría trabayar en terapia?
– Ye que me siento murniu y con ganes de llorar munchos díes
– Teo como una sensación de soledá, ¿sabes?
– Gustaríame tener amigos de verdá, nun veo a los de siempre y nun sé ónde buscar nuevos.
– Les relaciones que teo nun me satisfaen, son toes superficiales, la xente fuxe del compromisu –
– Les fines de selmana pásoles nel sofá mirando’l móvil y siéntome culpable, tendría de tar faciendo coses.
– Teo l’ansiedá peles nubes y nun sé de qué.
– La mio autoestima ta pelos suelos.
– Échome’n cara nun llegar a tou.
– Nun sé qué faer cola mio vida, la verdá.
– Prestaríame ser ma, porque yá voi cumpliendo años, pero nun sé si va ser posible –
– Nun sé lo que me gusta y lo que non, nun sé quién soi.
Pues bien d’ellos  nun atopen la relación pente una cosa y otra.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies