• Portada
  • >
  • Esportes
  • >
  • La Trevesera Picos d’Europa, Meyor Carrera de Montaña

La Trevesera Picos d’Europa, Meyor Carrera de Montaña

  • 1 Febreiro, 2022

La Trevesera Integral Picos d’Europa ñació hai 18 años del deseyu de dellos montañeros asturianos de completar un trazáu que surcare los trés macizos de Picos “del tirón”, costituyendo una Ultra-Trail con más de 74 Km y 13.145 metros de desniveles acumulaos, per un terrén caliar d’Altu Monte, trevesando la redolada única del Parque Nacional de Picos d’Europa

La Trevesera Oquendo Integral Picos d’Europa, un proyectu que nun paró de crecer dende’l so entamu fai 18 años, ye una prueba homologada por la ITRA (International Trail Running Association) y FEMPA. Amás ye calificativa pal UTMB (Ultra-Trail de Mont-Blanc) con 4 puntos. Una de les de mayor dificultá y desixencia técnica del mundu.

Na cabera escoyeta de la Meyor Carrera de Montaña consiguió’l 59% de los votos que l’asitien como la meyor carera de monte de tol estáu,  per delantre de l’alicantina Costa Blanca Trails, -que recibió’l sofitu del 31%-. y de Aran By UTMB -col 5%-. Ente los criterios pa la so elección, destaca la capacidá de sortear les alversidaes lloxístiques y superar les inclemencies meteorolóxiques, que faen d’esti percorríu especialmente difícil; p’asegurar la seguridá nel percorríu más de 200 voluntarios tán llistos en tou momentu p’ayudar a los corredores en casu d’incidente.   Una de les principales dificultaes atopar na escasez de puntos d’avituallamientu, cuatro en total pa una preba de más de diez hores de duración.

Les iscripciones superen con muncho les 450 places que dexa acoyer el Parque Nacional Picos d’Europa, llegando a los 2.530 ente La Trevesera y la Traveserina, ente los que se va realizar un sortéu, anque los organizadores acuten la posibilidá d’escoyer a cincuenta en base a otros criterios, como ye’l casu de les dos úniques persones que los acompañaron dende la primer edición hasta la postrera. La participación femenina na prueba, anque entá escasa, xube añu tres d’añu, siendo 64 muyeres les preiscrites, frente a la primera que participó na preba, na so segunda edición.

La dificultá nun finca solo en consiguir una plaza na preba, llograr un agospiamientu n’Arenas de Cabrales ente’l 4 y el 11 de xunetu ye yá misión imposible y esos díes complícase mesmo comer ensin reserva nos restoranes de la zona.

 

Xicu Llamazares

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies