• Portada
  • >
  • Sociedá/Llaboral
  • >
  • Concentración delantre la Casa Sindical pola derogación real de la reforma llaboral de Rajoy

Concentración delantre la Casa Sindical pola derogación real de la reforma llaboral de Rajoy

  • 31 Xineru, 2022

Los convocantes denuncien que, más allá de la propaganda, lo cierto ye que’l Gobiernu incumple les sos promeses y abandona el so compromisu de derogar la reforma llaboral del Partíu Popular

Col alcuerdu del Gobierno PSOE-Podemos cola patronal y les cúpules de CCOO y UXT   nun se recuperen les indemnizaciones por despidu nin los salarios de tramitación, nun se recupera l’autorización alministrativa de los despidos colectivos (ERE), caltiense la flexibilidá para los despidos oxetivos, nun se recupera la prioridá del conveniu sectorial sobro’l d’empresa, sacante na cuestión salarial. Nun se garantiza’l caltenimientu del poder adquisitivu de la mayoría de la clase trabayadora, yá que a día de güei solo’l 14%  ta protexíu en convenios que cunten con una clausula que garantice la xubida salarial al mesmu nivel que l’IPC, a diferencia de 2008, onde taben incluyíos un 70% de los asalariaos. Como reconoció’l mesmu presidente de la patronal CEOE, Antonio Garamendi, esti alcuerdu nun toca los pegoyos básicos de les anteriores reformes y esto nun puedconsiderase de denguna manera una meyora.

Poro, les organizaciones convocantes desixen una derogación real de la reforma del PP y una llexisllación llaboral qu’aumente’l poder de la clas trabayadora. En pallabres de Nacho Fuster, secretariu xeneral de la CSI Asturies, “Tamos equí pola derogación de la reforma llaboral, nun aceptamos l’ablancazamientu que quieren faenos dende los partíos políticos supuestamente progresistes”.

Amás, dende la CSI aprovecharon la ocasión p’anunciar que-yos llegó dende fontes esternes la noticia de que ta preparándose la espulsión de los sindicatos de la Casa Sindical “Anunciamos que nos tuvimos qu’enterar al traviés de sindicatos de fora de Asturies de que’l Conceyu y el ministeriu de trabayu tán faciendo una permuta pa echanos de la Casa’l Pueblu”, declaraba Fuster.

Llucía F. Marqués

 

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies