Los grafitis realizaos na Pola, Llugones y El Berrón fueron nomaos a los premios Best Street Art 2021 y, por ello, atópense pente les cien obres d’arte urbanu más populares que compiten por llograr la reconocencia al meyor mural del añu pasáu que concede’l coleutivu Street Art Cities
Los tres grafitis de Sieru fueron escoyíos, al pie de otros 97 de dellos puntos del planeta, pa optar a la reconocencia al meyor del mundu.
Les obres escoyies son el llamáu Gatu Negru de Llugones –bautizáu como “Uma”–, La Raposa de la Pola, y “l’Efectu caparina”, d’El Berrón.
El colectivu qu’otorga estes distinciones ye Street Art Cities, que busca al traviés de redes sociales les obres d’arte más populares y compártiles nes sos cuentes pa que l’audiencia vote y escueya ca mes les que considere más relevantes, ellaborando añalmente un llistáu coles cien de mayor calidá. Agora, ta pendiente la votación pa escoyer, pente los cien meyores grafitis de tol mundu, el meyor de 2021.
Alberto Rodríguez
This work is licensed under a Creative Commons Attribution 4.0 International License.
