• Portada
  • >
  • Llingua
  • >
  • Los Académicos de la llingua tomen posiciones: la llingua d’Asturies ye l’asturianu, coles sos variantes, que deben ser oficiales

Los Académicos de la llingua tomen posiciones: la llingua d’Asturies ye l’asturianu, coles sos variantes, que deben ser oficiales

  • 20 Xineru, 2022

Escoyíos pente tolos asturianos pola so sabencia en materia llingüística ya’l so fondu compromisu y conocimientu del asturianu, los Académicos posiciónense’n contra de la denomación de “gallegu asturianu” y de la consideración d’esta variante asturiana como una llingua estremada

Son ya dellos los Académicos de la Llingua, incluyendo a hestóricos de la defensa del asturianu comu Nacho Fonseca y Vicente García Oliva, que defienden la postura desplicada por Roberto González Quevedo nel so comunicáu, nel que dexaba nidio que xunto col castellán, l’asturianu, comu llingua específica d’Asturies, tien de ser oficial en tol so territoriu, siendo imprescindible garantizar tamién la conservación y espardimientu de los rasgos de les estremaes fasteres llingüístiques: l’asturianu oriental, el pésicu,  l’ocidental o eonaviegu, variantes toes elles del asturianu que merecen la consideración d’oficiales nel so ária.

Nel casu concretu de la variante conocía comu Eo- Naviego, que gracies al empeñu de dellos seutores de llamalo “gallego-asturiano” ye agora cientru del alderique, trátase d’una fala de transición, fenómenu común en fronteres, que tien rasgos de los dos idiomes, neto que lo que se fala na frontera lucense ensin qu’a naide se-y escurriere fasta agora decir qu’en Lugo se fala “Asturiano gallego” y que, poro, ye imprescindible oficializar l’asturianu en Galicia.

Destaca, sicasí, la tibieza del presidente de l’ALLA a la de retrucar al so homónimu gallegu ante les graves inxerencies de la RAG.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies