Friu polar nes aules asturianes

  • 20 Xineru, 2022

Temperatures d’ente 4 y 8 grados nel interior, ventanes y puertes abiertes, corrientes d’aire, si llueve, agua nel pupitre, reciella tapao nel meyor casu con mantes, que pasen fasta siete hores sentaos ensin movese en medio’l fríu. Imposible pedir concentración nunes condiciones que dengún adultu almitiría nel so puestu de trabayu

De fechu, los profesores aniciaron ya dende SUATEA una campaña pa denunciar la situación, recordando qu’acordies el Real Decretu 486 de 1997 que regula les disposiciones mínimes de seguridá y salú nel trabayu “La temperatura de los llocales nos que se realicen trabayos sedentarios propios d’oficines y asemeyaos tarán pente los 17 y los 27 grados”.

Asina les coses, los rapacinos siéntense abandonaos “Nun emportamos a naide, namás quieren que nun estorbemos y que temos quietos y callaos” declaraba D.R.T, escolina de 2º ESO nel Istitutu Emilio Alarcos, de Xixón.  L.D.S, estudiante de 4º ESO nel F. Vallín, tamién de Xixón nun pescancia porqué nun los dexen dir pa casa cuando los profesores nun vienen “Tuvimos dos hores de clase y lluéu tres de guardia, sentaos ensin facer na, pasando friu. Un profesor dexónos llevantanos y amontonémonos pegaos al radiador con chaquetes y mantes, paecíemos refuxaos”. I.D.F, del C.P Elena Tamargo, en Llaviana, cuenta que “A primer hora nun yera quien ni a garrar el boli, tenía los deos aterecíos”.

La situación de los rapacinos agrávase pol fechu de que bona parte d’eses hores les pasen ensin facer res, al tar de baxa munchos de los profesores, tantu por Covid comu por enfermedaes relacionaes pola esposición al friu.

C.R, ma d’una estudiante de segundu curso, escribe nel xustificante de falta d’asistencia que la so fía nun asiste a clas “porque ye demencial tar a 2 grados con ventanes abiertes y sin poder movese, pa la primavera volverá”. Como ella, son munches les families que deciden nun mandar a los rapacinos a clas alegando enfermedá o direutamente informando al centru de que nun tan dimpuestos a mandar a los neños a una xelera.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies