“De nun apaecer a detenelos Seprona a estes hores trayíen los utres una bona fartura” declara una de les víctimes del robu de cabres

Nes caberes selmanes los rebaños de los Picos d’Europa entamaren a carecer baxes, ensin que por esta vegá hubiere qu’echar la culpa al llobu. Queseríes de Cabrales y cabreros de Sotres y Tielve denunciaron la desapaición d’animales, ensin que s’investigare oficialmente el casu.

Foron los propios ganaeros los que aniciaron una investigación estraoficial, entrugando ya investigando la presencia d’animales  “al final el mundu ye mui piqueñu y conocémonos toos”, declaraba un de los participantes nes pesquises, que dieron comu resultáu la llocalización de los culpables.

Les cabres apaecieron vives en Pria, y los dos culpables foron deteníos cuando trataron de robar más cabres a plena lluz del día, momentu en que los axentes del Seprona los detuvieron.

Pente les cabres recuperaes alcontrábense delles que nun fueron reclamaes polos sos dueños, polo que se da avisu a aquellos cabreros que -yos falte dalgún animal pa que llame a Seprona entrugando por elles.

Vitor Corte

This work is licensed under a Creative Commons Attribution 4.0 International License.