Andecha Astur presenta “Cien propuestes escontra la precariedá”

  • 19 Xineru, 2022

Les propuestes, que tan abiertes a participación ciudadana,  tan estremaes en dolce categoríes, diendo dende mocedá a réxime fiscal pasando per toles estayes de la organización d’Asturies

Andecha Astur vien de presentar el documentu “Cien propuestes escontra la precariedá”, un trabayu realizau de magar les  xornaes abiertes sobro precariedá “Dami Tira” y que recueyen un total 100 midíes coles que lluchar contra l’actual situación de precariedá y esclusión social que carecen bona parte del Pueblu Asturianu. Les mesmes pretenden ser una fueya de ruta que redirixa dende Asturies el so futuru, saliendo del camín que mos empobina a la precariedá y despoblación xorrecientes y recomponiendo’l texíu socioeconómicu’l País, enforma dañáu tres de décades aplicando polítiques que prioricen los intereses españoles perriba los asturianos.

Les propuestes tan ellaboraes de magar les concluxones de la mencionada xorná, na que intervinieron Lola Villacob, David M.Rivas, Juan Manuel M. Morala, Boni Ortiz, Llucía Fernández, y del diputáu d’EH Bildu, Oskar Matute y coles aportaciones posteriores rializaes por entidades sociales d’estremaos seutores. Sicasí, estes propuestes nun tan presllaes, sinón que tan abiertes al alderique participativu del conxuntu de la sociedá asturiana, agradeciendo la formación nacionaliega les aportaciones que pudieren facese a les mesmes.

Les midíes estrémense en doce estayes: mocedá, feminización de la probitú, vivienda, formación, marcu asturianu de rellaciones llaborales, economía tradicional asturiana, mercáu asturianu de consumu, tresporte y comunicaciones, turismu, enerxía, réxime fiscal y política social.

Nuria Prendes

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies