Educación nun valora tomar midíes esceicionales ante la desaxerada falta de docentes

  • 11 Xaneiro, 2022

El segundu trimestre entama con incertidumes. Nun va haber cuarentenes pa les clases nes que nun haiga siquier un 20% d’andaes, malpenes hai PCR’s, nin profesores. Les baxes de docentes, anque agora serán más curties, nun se cubren o non cola celeridad necesaria, ayeri los colexos ya istitutos entamaron la so actividá con cientos d’aules ensin atención

En dellos centros, como’l IES Corvera, el de Llanes o la Doña Jimena en Xixón, el cursu entamó con más de diez profesores ausentes, en munchos otros faltaron ente 5 y 10, faciendo invidable l’actividá llectiva y convirtiendo los centros nuna especie de guardería na que dexar a los menores pa que los padres vaigan a los sos trabayos, perdiendo’l so calter educativu y quedándose no asistencial.

Nesti sen, los pas son los más esmolecíos “si nun hai profesores, malamente van alquirir conocencies los neños” declaraba ayeri  María Gutiérrez, presidenta de la Federación d’Asociaciones de Pas d’Alumnos (FAPA- Xixón).Les vacaciones pasaron y dieron una oportunidá preciosa pa prever y prevenir, preparando un plan de continxencia que dexara atayar esti, per otra parte previsible, problema, pero la Conseyería d’Educación llindase a prometer cubrir les ausencies por covid “cola mayor celeridad posible”, ensin plantegar sacar convocatories estraordinaries nin denguna otra midida. A diferencia d’otros territorios del Estáu, onde se faen llamamientos a profesores a diariu, contratando inclusive mientres les vacaciones, n’Asturies les places disponibles van salir una vegada a la selmana, en concretu los martes, asina que una baxa informada a última hora de güei nun tendría posibilidá de ser atendida hasta a lo menos una selmana más tarde. La última axudicación fíxose’l 28 d’avientu.

Pela so parte, la Conseyera d’Educación aseguraba ayeri a primer que’l cursu reiniciárase con “total normalidá”, esto ye, nun considera necesariu tomar midíes escepcionales.

 

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies