El Ministeriu d’Inclusión Social deniega’l 60% de les pidiciones d’IMV

  • 10 Xineru, 2022

D’ente los pidimientos aceutaos, miles vieron drásticamente recortaos los sos ingresos esti xineru polo que podría ser un erru d’interpretación de l’Axencia Tributaria

El Ministeriu d’Inclusión niega l’ayuda del ingresu mínimu vital a cuasi 30.000 asturianos, frente a les 9.320 solicitúes qu’anguañu tán percibiendo esta aida estatal. Calcúlase que ca Ingresu cubre les necesidaes de siquier dos persones de media, una y bones esos pocu más de 9.000 IMV’s dan cobertoria a más de 20.000 persones, 12.710 adultos y  7.361 menores.

Otros 5.209 asturianos siguen esperando una rempuesta, de les que estadísticamente podemos calcular que se van aprobar unes 2.000. El presidente de la Rede Asturiana de Llucha contra la Probitú y l’Esclusión (EAPN) denuncia qu’estes denegaciones, 6 de cada 10, nun se deben a que nun se cumplan los requisitos, sinón a  la complexidá del procedimientu y lo desixente de les condiciones, esto ye, ta negándose esta prestación a families que realmente nun cunten con recursos; 4 de cada 10 afectaos son menores d’edá.

Les condiciones del IMV vinieron empiorar la situación n’Asturies, onde l’anterior SSB yera menos desixente y daba una cobertoria mayor, siendo compatible con otres aides, como los “puntos” por fíu a cargu. Pero’l mayor hándicap del IMV ye’l so periodu de cómputu de la capacidá económica, yá qu’al valorar el drechu en función de la cabera declaración de la renta,  la cuantía del mesmu calcúlase en función de lo percibío dos años anantes, en llugar de tener en cuenta -como’l SSB- lo actual. Sicasí, los asturianos perceutores del SSB viéronse forciaos a solicitar l’IMV, baxo menacia de perder dambos, ensin que se ficiere denguna declaración sobre a onde foron a parar los cientos de miles d’euros presupuestaos pa pagos del SSB qu’aforró l’alministración asturiana.

A esta situación súmase a la d’aquellos beneficiarios que vieron amenorgase drásticamente les sos nómines del IMV tres de la revisión del mes d’avientu, munchos de los que tendrán de reclamar la so situación, si se confirma que’l cómputu equivocáu del SSB como ingresos del trabayu ye la qu’anició bona parte de los amenorgamientos ya inclusive retirada del drechu. Dellos colectivos sociales tán trabayando yá nes pertinentes reclamaciones.

Llucía F. Marqués

This work is licensed under a Creative Commons Attribution 4.0 International License.

1 Comment Already

  1. Bienes, yo taba cobrando les dos ayudes, compaginaba se una con la otra, unos 448€ el salario descontaba me 33 Pa la deuda que tenía con los atrasos, esti mes me pagaron la vital completa y el salario, ahora tendré que devolver además todo lo que me den de salario, como sigo pagando el pufu si tengo que devolver lo del salario? Ya que ellos se encargaban de descontame mes a mes? Otra pregunta, si trabayes un añu, y pases de la cuantía, que ye que te extinguen la vital? Como te la pueden extinguir si alomejor tuviste a contratos temporales? Que hay que volver a solicitarla? No sé si me entendieron porque vaya royu quevos acabo de soltar, gracies

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies