• Portada
  • >
  • Economía
  • >
  • L’Estáu Español paga con cien millones de los Fondos Europeos el sofitu de los sindicatos a la so pantomima de reforma llaboral

L’Estáu Español paga con cien millones de los Fondos Europeos el sofitu de los sindicatos a la so pantomima de reforma llaboral

  • 5 Xineru, 2022

Les sédes de dos sindicatos (UGT y CCOO) van tener cuasi’l mesmu presupuestu que la llucha contra la probitú y les desigualdaes sociales y diez vegaes más que les polítiques d’emplegu y emprendimientu

Va conociéndose el destín de los fondos europeos qu’Europa apurre pa recuperar del Covid la economia estatal. Nueve millones van ser pa sofitar polítiques d’emplegu y emprendimientu en cuatro rexones allegaes, 110 millones pa retayar les desigualdaes sociales y cien millones pa modernizar les sedes sindicales nos los dos próximos años, daqué imprescindible pa que l’Estáu se recupere de les consecuencies económiques del Covid. Pa munchos ye difícil nun ver nesto un pagu pol alcuerdu algamáu colos sindicatos pa que sofitaren la recién micro reforma llaboral.

Estos 100 millones van destinase oficialmente a obres de rehabilitación enerxética, que consisten na sustitución de sistemes de climatización de los edificios en cuestión, del sistema de ventilación y renovación del aire, la sustitución de lluminaries fluorescentes ya incandescentes esistentes por plaques de LED y la sustitución del cien per cien de les carpinteríes de la fachada. L’añu pasáu yá s’invirtieren 7 millones en conceutos similares.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies