Andecha Astur acusa a PSOE-Podemos-IU de maquillar la política llaboral del PP

  • 31 Avientu, 2021

“PSOE, IU y Ps volvieron a engañar a los sos votantes, nun son dignos de la clas que dicen representar” declaró Carme Pérez en nome de la formación nacionaliega

Dende’l gobiernu de PSOE y UP ta vendiéndose de gaita y tambor, como un gran ésitu, la nueva reforma llaboral de Yolanda Díaz, aportunando en que “per primer vegada na hestoria faise una reforma llaboral na que la clase obrera recupera drechos y col alcuerdu de tolos axentes sociales”, ensin especificar qu’esti alcuerdu ente axentes sociales nun ye una virtú, sinón un requisitu afitáu pola Xunión Europea pa llibrar los fondos NextGeneretion al estáu español.

En realidá, destaquen dende Andecha Astur, esta reforma camuda pocu les relaciones llaborales, calteniendo los aspeutos más lesivos de les reformes de 2012 (Rajoy) y 2010 (Zapatero). Nun modifica la normativa afitada pa la reforma llaboral de 2012 en materia de despidos, utilizada pola patronal pa despidir a les y los trabayaores de forma unillateral y ensin denguna garantía nin defensa, nin corrixe la estatalización de la negociación colleutiva impuesta poles reformes llaborales de 2010 y 2012, “colo que los convenios seutoriales algamaos nel nuesu país siguirán tando subordinaos a los convenios estatales, un marcu de negociación munchu menos combativu y qu’atenta escontra’l drechu del pueblu asturianu a que seya Asturies el marcu de rellaciones llaborales propiu y soberanu”.

Les declaraciones de la CEOE son nidies nesi sen “Consiguióse caltener la flexibilidá de la empreses cola temporalidá, frenáronse los cambeos na subcontratación, evitóse que los convenios autonómicos prevalezan sobro l’estatal…tamos satisfechos porque la esencia de la Reforma llaboral de 2012 caltiense”.

En resume, la clas trabayadora va siguir careciendo la precariedá llaboral pesi al maquillaxe que la ministra Yolanda Díaz dio a la reforma “PP. PSOE, IX y Ps volvieron engañar a los sos votantes, nun son dignos de la clase que dicen representar”, declara Carme Pérez, en nome de Andecha Ástur.

Tampoco cumplieron la promesa, recuerden, de suprimir la llei mordaza, pesi a les sos promeses electorales, asina que pueden siguir evitando que la clas trabayadora pueda lluchar polos sos drechos.

“Nel nuesu país estes lexislaciones llaborales decidíes y aprobaes en Madrid, vienen rematar la precaria situación de la mayoría de la clase trabayadora, sumida na precariedá de la temporalidá y los salarios de miseria, problemes que nun se solucionen con esta reforma”.

Recuerden tamién qu’esta farsa non podría habese lleváu adelantre ensin la connivencia d’UXT y CCOO, que obedientemente formaron parte del escenariu pa que’l gobiernu desenvolviera la so comedia.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies