La seleción Asturiana de patinaxe artísticu participó los díes 11 y 12 d’avientu nel “I Troféu Comunidá Foral de Navarra”, onde se dieron cita esportistes de les federaciones aragonesa, asturiana, cántabra, castellanu lleonesa, navarra, rioxana y vasca
Nesta ocasión fueron escoyíos dolce patinadores asturianos. Del Ovetus P.C.: Aitana Martínez Llacera, África Reboeiras Muñiz, Daniel Bermúdez Mon, Olaya Martínez Bastida, Noa Velasco Berguño, Hugo Álvarez Rodríguez y Paola García Cuetos. Del Centru Asturianu: María Gordón Albella, Pilar Teyeru Álvarez-Cofiñu y Mar Santos González. Del C.P. Atenea Xixón: Daniela Bernia Sánchez y Natalia Manjón Falcao.
El pabellón Universidá de Navarra, en Pamplona, foi’l llugar escoyíu pal eventu, nel que tolos asistentes pudieron esfrutar de la competición de cerca d’un centenar de patinadores y de la esibición del campeón del mundu 2021 de patinaxe artísticu, Pau García Domec.
Los patinadores asturianos llograron cinco podios, un oru, dos plates y dos bronces. El primer puestu foi pa María Gordón en Benjamín, el segundu pa Daniel Bermúdez n’Esquil Masculín y Natalia Manjón en Júnior, y el terceru foi para Mar Santos en Cadete y Daniela Bernia en Xuvenil.
El restu d’esportistes asturianos clasificáronse tres del quintu llugar, Hugo Álvarez n’Infantil Masculín, en sestu Aitana Martínez en Benjamín, en séptima Pilar Tejera n’Alevín, en novenu Noa Velasco n’Infantil, en decimoquintu África Reboeiras n’Alevín y en decimosétimu Olaya Martínez n’Infantil. Toos tuvieron acompañaos polos sos téunicos, Richard Carbajales de Ovetus P.C. y Centru Asturianu d’Uviéu, y Cristina Menéndez Fernández del C.P. Atenea Xixón. La patinadora asturiana Paola G. Cuetos nun pudo participar por tar mancada.