• Portada
  • >
  • Asturies
  • >
  • Premiu Européu a la recuperación del Quesu d’Arangas

Premiu Européu a la recuperación del Quesu d’Arangas

  • 14 Avientu, 2021

El Congresu Européu de Mocedá Llabradora del Parlamentu Européu reconoció a la moza quesera asturiana Elena Soberón col premiu al proyeutu más resiliente, en recuperando’l tradicional quesu de Arangas

Elena Soberón, de 28 años,  ye la productora más nueva de quesu de Cabrales; al par de la so hermana xestiona una esplotación ganadera de 30 vaques que producen pente 1.000 y 1.200 llitros de lleche na población asturiana de Arangas, lleche que dedica dende va siete años a la fabricación de quesos.

Amás d’ellaborar quesu cabrales decidió recuperar el quesu tradicional de la so llocalidá, Arangas,  que maurez en cueves a unos 1.200 metros d’altor na Sierra de Cuera, onde los lleven cargaos nunes mochiles y a onde xuben tol iviernu a da-yos vuelta y comprobar l’avance de la so maduración.

Permanecer nel so pueblu, d’apenes 40 habitantes y con una media d’edá bien perriba la suya, nun ye fácil, tien d’enfrentase diariamente a la mala comunicación, la xubida de los costos de produción, la falta d’infracadarmes y los precios demasiao baxos. Poro mientres la so intervención na entrega de premios fixo un llamamientu a toles alministraciones públiques europees, asturianes y españoles «por que nun se ponga en riesgu’l so superveniencia y la d’otros tantos mozos y moces que decidieron llibremente quedase nel mediu rural».

 

Xicu Llamazares

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies