Col cartel del “besu de los Adrianes” la formación ultraconservadora trata d’atacar a un tiempu el procesu d’oficialización del asturianu y a la comunidá LGTB

Los primeros en reacionar a esti cartelu foi la formación nacionaliega d’izquierdes Andecha Astur, qu’a primer hora declaraba nes sos redes “Esto ye intolerable fasta nuna democracia de pandereta como la española. El facismu ta crecíu n’Asturies… y camentar qu’ Adrián Barbón regaló-yos grupu parllamentariu, col que se los sovenciona política y económicamente”.

Sicasí, al par de la indignación y la ofiensa xeneralizada, la reación de munchos asturianos foi la de retrucar con humor y más besos, popularizando’l hastag #MétemeLaLlingua, recordando campañes comu “Saca la llingua” o “usa la llingua, fala asturianu” y agradeciendo a VOX -nidiamente con retranca- la normalización de les relaciones homosesuales. “Gracies a la campaña de Vox Asturias contra los Adrianes miles de neños y neñes van “descubrir” que dos homes pueden metese la llingua, daqué que queríen censurar nos colexos implantando un pin parental”.