• Portada
  • >
  • Mocedá y reciella
  • >
  • El VII Concursu infantil de relatos de Gozón ta dedicáu a la igualdá ente homes y muyeres 

El VII Concursu infantil de relatos de Gozón ta dedicáu a la igualdá ente homes y muyeres 

  • 30 Payares, 2021

El Conceyu de Gozón vien de convocar el VII Concursu infantil de relatos de Gozón, qu’ esti añu ta dedicáu a la igualdá ente homes y muyeres 

El Conceyu de Gozón vien de convocar la sétima edición del concursu escolar de relatos curtios, que cunta con seis categoríes, en función del cursu al que perteneza l’autor y l’idioma nel que tea escritu, habiendo trés premios pa los relatos n’asturianu y otros trés pa los relatos n’español pa ca categoría d’edá.

La temática va tratar esti añu sobro la igualdá efeutiva ente homes y muyeres. Van poder participar los escolinos y escolines de los centros educativos del conceyu que cursen anguañu 3º y  4º de Primaria na categoría infantil, 5º y 6º de Primaria na entemedia y de 1º y 2º de Secundaria pa la xuvenil.

Los trabayos van recoyese nos colexos ya istitutu el vienres 17 d’avientu y l’entrega de premios va ser convocada con abonda antelación. Per ca categoría, un xuráu integráu por persones rellacionaes cola educación va designar trés galardonaos por cada idioma.

Redaición InfoAsturies


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies