• Portada
  • >
  • Sanidá
  • >
  • El “Principado” nun escuende’l so enfotu por privatizar la sanidá y l’atención social

El “Principado” nun escuende’l so enfotu por privatizar la sanidá y l’atención social

  • 30 Payares, 2021

El “Principado” concede un préstamu de dos millones a una compañía del sector sociosanitariu que, con esta inyeción de fondos públicos, va xestionar de forma privada servicios d’atención a persones mayores y dependientes, aprofitando la necesidá creada pol deterioru de la seguridá social y los servicios sociales públicos

La empresa pública Sociedá Rexonal de Promoción (SRP), dependiente del Gobiernu del “Principado” vien de conceder un préstamu de dos millones d’euros a la compañía AVS Millenium Salú, que van valir pa impulsar la so actividá nos sectores de la sanidá, los servicios sociales y la restauración. Esta compañía naz de la fusión de trés empreses, Azvase, CKSenior y Visama, con actividaes que nos ámbitos de la sanidá y del bientar social, incluyendo’l curiáu de persones mayores y dependientes y l’atención sanitaria xeneral.

Esto ye, el gobiernu apurrió dos millones a un grupu d’empreses privaes pa que desendolquen el llabor social y sanitario qu’ellos mesmos nun tán llevando a cabu.

Lo que’l director xeneral d’Emplegu y Formación, Pedro Fernández-Raigoso considera «frutu de la collaboración público-privada y supón un apueste p’ Asturies nun sector con gran potencial, reforciando la creación d’emplegu en redol a la industria de servicios sociosanitarios» nun dexa de ser un pasu más na privatización de la sanidá y de los servicios sociales, na que’l Gobiernu d’Asturies, n’embriviendo l’atención social y sanitario públicos y xenerar un déficit d’atención, teóricamente por falta de fondos, apurre 2.000.000 € públicos a una empresa privada pa qu’ocupe esi espaciu qu’ellos mesmos dexaron llibre colos sos retayos en sanidá.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies