• Portada
  • >
  • Economía
  • >
  • Asturies declarada zona llibre de tuberculosis bovina pola Xunión Europea

Asturies declarada zona llibre de tuberculosis bovina pola Xunión Europea

  • 25 Payares, 2021

Sicasí, nos prósimos dos años caltendránse les campañes de saneamientu de la cabaña ganaera pa prevenir que se den brotes

Asturies lleva 5 años con una prevalencia d’esta enfermedá perbaxo’l 0’1%, índiz perbaxo’l que’l Gobiernu estatal considera qu’hai que tar pa que se-y conceda a un territoriu la consideración llegal de zona llibre de tuberculosis bovina. El plazu necesariu p’algamar esta declaración aveza ser de tres años con esti porcentax, asina qu’Asturies debiere cuntar con esi reconocimientu hai tiempu, pero hebio qu’esperar a que la Conseyería de Mediu Rural y Cohesión Territorial aniciare los trámites ante la Xunión Europea, daqué que n un ocurrió fasta esti xunu. Pente les implicaciones d’esta declaración, el fin de les prebes méliques obligatories pa la venta d’animales o pa sacales a pacer fuera d’Asturies.

Sicasí, nos dos años vinientes caltendránse les campañes de saneamientos pa torgar l’apaición de nuevos brotes. El control oficial de la tuberculosis bovina n’Asturies remóntase a la década de los años 80 del sieglu pasáu y les prebes son obligatories pa todes les esplotaciones de magar el 1986.

 

Vitor Corte

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies