El riscar del 20N apaeció xamuscáu’l coche d’un trabayador de la EBHI, destacáu pol so compromisu pola llucha de los drechos llaborales nesa empresa

Pa que nun quedare dulda sobro la intencionalidad de la quema, los autores del fechu efectuaron pintaes nes parés cercanes con testos como “Fora de la EBHI”. Cabe destacar que’l coche pertenez al únicu emplegáu eventual despidíu  que tuvo de ser realmitíu na empresa, por sentencia xudicial, siendo amás miembru del comité d’empresa de EHBI pola CSI. Ésti trabayador participó na fuelga de fame que punxo en xaque a la empresa mientres más d’un mes.

Con esti casu de represión sindical la patronal da un pasu más nel procesu de menacies y vengances que vienen careciendo los emplegaos más revindicativos pola so insistente defensa de los drechos llaborales, pero la respuesta dende la CSI, sindicatu al que pertenez la víctima del ataque, foi nidiu “Los compañeros de la EBHI nin van callar nin van dexar de revindicar los drechos de los trabayadores y dende tola CSI, sofitámoslos y amosámosyos la nuesa completa solidaridá”.

Llucía F. Marqués

This work is licensed under a Creative Commons Attribution 4.0 International License.