• Portada
  • >
  • Economía
  • >
  • Asturies devolverá 150 millones del “presupuestu mayor de la hestoria” por incapacidá del gobiernu pa xestionalu

Asturies devolverá 150 millones del “presupuestu mayor de la hestoria” por incapacidá del gobiernu pa xestionalu

  • 16 Payares, 2021

A trés meses de rematar l’añu’l gobiernu asturianu sigue col 78% de la so inversión pendiente d’executar, polo que más de 150 millones van ser devueltos a les arques españoles

La nula capacidá de xestión del gobiernu del “Principado” llevó a esbardiar el que se llamó “el mayor presupuestu de la hestoria”, col que los distintos departamentos recibieron creitu contable pa financiar 200,8 millones n’inversiones reales. Dica ochobre -caberos datos disponibles-  utilizárense namás 44,2 millones d’esa partida, esto ye, malpenes un 22% de la mesma.

La parte d’esos 156,5 millones de creitu pindiu d’utilizar que nun s’invierta d’equí a fin d’añu van volver  a la Conseyería de Facienda.

Curiosamente fueron les áries d’infracadarmes rurales, pesca marítima y mediu natural les que menos aprofitaron el presupuestu asignáu (namás ente un 2’9 y un 5’7%), trés áries nes que los problemes y la necesidá d’inversión son más acucioses, siendo la so meyora imprescindible pa frenar l’ésodu rural, el desaniciu de la pesca ya’l deterioru medioambiental.

Nun ye la primer vegada qu’esto asocede, de fechu el gobiernu asturianu consiguió executar esti cursu un mayor de porcentaxe de los fondos que’l pasáu, ello ye, l’añu pasáu “sobráronnos” más millones d’euros.

El caberu exerciciu ensin la influencia de la covid, el 2019 llegóse a setiembre executando un 35% del total, un 13% más que nel presente exerciciu, pero entá asina implicando la devolución de millones d’euros por incapacidá pa xestionalos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies