La falta d’Oficialidá representa, pente otres munches cuestiones, una emportante discriminación económica frente a los demás territorios con llingua propia
L’añu pasáu incluyose por primer vegada una partía pal asturianu nel proyeutu de Presupuestos Xenerales del Estáu (PXE). Pesia la evidente desemeyanza d’importes, que facíen risible l’aportación a la defensa la llingua asturiana en comparanza con otres llingües del Estáu, consideróse un pasu alantre, ya que fasta entós el presupuestu algamáu yera nulu. Dábase por supuestu, y asina lo anunciaron con bombu dende’l “Principado” qu’esta asignación diría medrando añu a añu pa dir equiparándose al restu les academies.
Sicasí, pal añu 2022 el PXE vuelve a recoyer una partida de 40.000 euros pal’Academia de la Llingua Asturiana (ALLA). Pa facese una idega de la discriminación, la siguiente que menos recibirá sedrá l’Academia de la Lengua Vasca recibirá 250.000 €, multiplicando por más de 6 el presupuestu asturianu. La Real Academia Galega ya l’Istitut d’Estudies Catalans, pel so lláu, reciben ca una 311.380 €, cuasi 8 vegaes más que l’asturiana. Por supuestu, na que ver colos 6.827.420 que la Real Academia de la Lengua Española recibirá por llimpiar, fixar y dar esplendor al idioma del reinu.
Incluso la Real Academia de Gastronomía percibe más presupuestu (125.000 €) dientro del programa d’investigación científica del Ministeriu de la Ciencia y Anovación, del que dependen les academies.
Xicu Llamazares
This work is licensed under a Creative Commons Attribution 4.0 International License.
