Apocayá espublizóse nel Bopa les resultancies de la Revisión de l’Autorización Ambiental Integrada de la istalación industrial de la Central Térmica de carbón d’Aboño nos términos municipales de Carreño y Xixón per parte de la Conseyería Alministración Autonómica, Mediu Ambiente y Cambéu Climáticu

Na mesma faise casu omiso de los allegamientos que presentaes pola Coordinadora Ecoloxista énte los continuos incumplimientos de les meyores ambientales que tendríen d’istalase nel complexu térmicu años tras pa resolver el problema d’emisión de gases y partícules d’esta planta térmica col envís de consiguir una meyor xestión de les borrafes, los arramaos a la ría d’Aboño y la contaminación acústica. La central ta arrodiada de viviendes.

Los ecoloxistes atopen especialmente inaceutable que se sigan dexando tener los almacenes de carbón albentestate, cola consecuente contaminación del material particuláu de la redolada “Esmoleznos el volume de les escories y cenices, qu’agora tán llevándose al vertideru que tienen autorizáu y resulten otra fonte de contaminación”.

Denuncien tamién la neglixencia del Conceyu de Xixón/Xixón “que nin siquier se molestó’n retrucar a la solicitú del Principáu no que cinca a los problemes ambientales pal conceyu pol complexu térmicu” a pesar de la elevada contaminación que se carez na zona, de la que les térmiques d’Aboño son una de les principales causantes”. 

Xicu Llamazares

This work is licensed under a Creative Commons Attribution 4.0 International License.