Asturfobia nel C.P Benjamín Mateo

  • 22 Ochobre, 2021
La directora del CP Benjamín Mateo de La Felguera (Llangréu) desobedez la Llei d’Usu y Promoción del Asturianu de 1988 al negar a l’Asociación Cultural Esbilla la rempuesta a un mail escritu n’asturianu y por ello sedrá denunciada
Dientro de les llabores d’espardimientu de les sos actividaes, l’Asociación Cultural Esbilla unvió al corréu lletrónicu oficial del Colexu Públicu Benjamín Mateo un mail nel que proponíen al cientru la cellebración d’actividaes y talleres venceyaes a la materia de Cultura Asturiana. El testu, escritu dafechu n’asturianu ye’l que vien darréu:
“Mui buenes.
Dende l’Asociación Cultural Esbilla, mandámosvos información de les actividaes que tamos desendolcando per centros educativos y culturales, por si veis d’interés la programación de dalguna d’elles. Si fai falta ampliar información, o se vos ocurre dalguna otra actividá que vos gustaría facer, avisáinos.”
Axunto unviábase un documentu n’asturianu y español con tola información de los talleres y actividaes, que aparentemente la direutora nun se molestó n’abrir, retrucando testualmente “No sé si nos interesará o no la actividad ya que no entiendo lo que me ofrece, el castellano es nuestra lengua oficial y creo q es esta lengua la q debe ser empleada en correos que van dirigidos a centros escolares. Gracias y un saludo”. Cola so rempuesta demuestra desconocer dafechu la Llei de Promoción y Usu del Asturianu aprebada nel 1988 y que garantiza’l drechu de tou asturianu  a dirixise a l’Alministración y ser atendíu  utilizando la so llingua.
La so actitud -que reitera en posteriores mensaxes- va vali-y una denuncia por discriminación llingüística, ya que’n tou momentu s’utilizaron calces oficiales pal intercambiu. Afalaráse amás a que se faiga una investigación sobro’l tratu que recibe l’asturianu y los neños asturfalantes nel so colexu, ya que de la so actitú pue deducise un posible comportamientu discriminatoriu pa con tolos falantes d’asturianu.
Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies