282.471 asturianos viven na probitú

  • 15 Outubro, 2021

El 27% de la población asturiana cuenta con ingresos perbaxo de lo que se considera “digno” y más de la metá d’eses persones nun tienen para cubrir les sos necesidaes básiques

Tal como espeya l’informe AROPE, dende l’añu 2017 los índices de probeza y esclusión social nun fixeron más que medrar añu tres d’añu, resintiéndose de ca periodu de recesión económica a nivel estatal y mundial pero nun aprofitando nunca les dómines de recuperación, fundiendo adulces una economía que foi de les más prósperes del Estáu y qu’agora, dempués de más de 40 años de gobiernu cuasi esclusivu del PSOE, supera la media española de probitú y esclusión social.

Según l’informe AROPE el 27% del Pueblu Asturianu, un total de 282.471 persones, vive’n situación de probeza y esclusión social, un 0’6% más que la media de los territorios del Estáu y 30.000 persones más que nel 2.019.

D’eses 30.000 persones qu’entraron a engrosar les files de la probitú, 25.000 son muyeres, nun peraltu porcentaxe con cargues familiares o mayores de 70 años, lo que fai bien improbable’l so insertamientu llaboral y recuperación económica.

Per otra parte, l’índiz que marca la probitú severo -ello ye, cuando les persones nun pueden satisfacer les necesidaes básiques mínimamente aceutables para vivir-, asítiase nel 12,2% de la población d’Asturies, 2,7 puntos perriba la media estatal. Finalmente, 46.000 persones (12.000 más que nel 2019), un 4,5% de la población, atópase’n situación de privación material severo, qu’indica la dificultá o imposibilidá pa consumir siquiera productos básicos, como alimentación o vivienda.

Pa que faigamos una idega de lo qu’eso implica  -y partiendo de la falsa presunción de que la probitú repártese por igual pente colexos públicos, alcordaos y privaos- , nuna clas de 20 escolinos van ser ente 5 y 6 los que tengan dificultaes pa cubrir les sos necesidaes, de los cualos un o dos nun va tener pa comer a diariu.

Como agravante d’esta situación, Asturies llidera l’índiz que mide’l nivel de desigualdá social, el GINI, que mide’l repartu desigual de la riqueza. «Los que menos tienen siguen teniendo bien poco, inclusive ca vegá menos, y les persones que más tienen, siguen teniendo enforma ya inclusive ca vegada un pocu más», como manifestó Hector Colunga, Presidente de la Rede Europea de la Llucha contra la Probitú n’Asturies, Héctor Colunga, anantes de presentar l’Informe L’Estáu de la Probitú. Siguimientu del indicador de Probitúy Esclusión Social n’España 2021. Informe AROPE, énte la Xunta Xeneral.

Un de el indicadores que más esmolez del Informe AROPE ye la «baxa tasa de trabayu per llar», que se situa nun 17% lo que significa que la posibilidaes de trabayar nun llar, nel casu d’un 17% de los asturianos y asturianes, ta perbaxo de los dos meses y mediu.

Con esti panorama, la inminente llegada del iviernu, sumada a los precios de la lluz y el gas, fai prever serios problemes de probitú enerxética en siquier un de ca cuatro llares asturianos.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies