• Portada
  • >
  • Esportes
  • >
  • Arranca en Xixón el IV Rally Turísticu Ruta Vía de la Plata

Arranca en Xixón el IV Rally Turísticu Ruta Vía de la Plata

  • 7 Ochobre, 2021

Mediu centenar de motos entamen güei esta preba non competitiva que va percorrer la hestórica N-630 (y A-66), un de los caminos más antiguos de la Península Ibérica, dende Xixón hasta Sevilla ente’l 8 y el 11 d’ochobre

Arrinca en  Xixón l’IV Rally Turísticu Ruta Vía de la Plata nel que participen mediu  centenar de motocicletes de cilindrada mayor a 250 c.c. Mientres cuatro díes van percorrer la hestórica N-630 (y A-66) dende Xixón hasta Carmona  nuna ruta 100% sobro asfaltu concebida pal esfrute de los participantes.

L’oxetivu principal d’esta prueba de calter turísticu nun ye atopar al motociclista más rápidu capaz de travesar la Ruta Vía de la Plata, sinón esfrutar unos díes de rodada en moto arrodiaos de xente coles mesmes ganes y pasión poles dos ruedes.

La preba avanza a lo llargo de cuasi mil kilómetros, creando un itinerariu fabulosu, con delles ciudaes Padremoñu de la Humanidá, míticos puertos de monte, innumberables manifestaciones artístiques y monumentales de primer orde, y una natura camudante que va dende los campos d’Andalucía hasta les elevaciones del Cordal Cantábricu, travesando les deveses y los montes d’encines y monte baxu estremeños, y pasando pelos pictóricos horizontes del pandu castellán.

En paralelu, van realizase incursiones a puntos d’interés y tramos que, a pesar d’abandonar temporalmente la N-630, van enguapecer les xornaes de condución apurriendo un estra d’aventura a la yá de por sí fascinante Ruta Vía de la Plata. La prueba nun va tar esenta de sorpreses y visites a llugares estratéxicamente asitiaos pa esfrutar del que promete ser un rally estremáu. van visitase asina, ente otres llocalidaes: Mieres, La Pola Gordón, La Bañeza, Benavente, Guijuelo, La Aldea del Cano y Los Santos de Maimona.

Mañana procederáse a les verificaciones téuniques y va faese entrega del welcome pack, roadbook y pasaporte, que va sellase diariamente a la salida y en ca control de camín que los motociclistes van atopar a lo llargo de la Ruta.

El llunes, 11 d’ochobre en Carmona, en llegando a la meta, va asitiase’l sellu final y va faese entrega d’un agasayu a tolos participantes que tengan tolos controles de camín sellaos.

Entamáu por Travelbike, axencia de viaxes en motocicleta, l’IV Rally Turísticu Ruta Vía de la Plata cunta col encontu de la Rede de Cooperación de Ciudaes na Ruta de la Plata.

Nel Dos Santos

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies