• Portada
  • >
  • Cultura
  • >
  • Fontoria anuncia la inminente presentación de Sirio

Fontoria anuncia la inminente presentación de Sirio

  • 16 Setiembre, 2021
El tercer trabayu del grupu piloñés cuenta cola participación d’un emportante garrapiellu de músicos de la escena asturiana y collaboraciones de fuera d’Asturies
Ya ta llegando la seronda, ya llega SIRIO, un doble discu nel que conviven l’esperimentación cola música de raigaños, xunto col folk más “clásicu”, según anuncia Maxi Areñes, compositor y vocalista del grupu Fontoria, una de les revelaciones más recientes y al tiempu más prolífiques del panorama musical actual asturianu.
N’abril cumplíense tres años dende la presentación del so primer trabayu, Nordés, al que siguieron El máxicu viaxe de fiona de Morlay nel 2020 y esti 2021, previsiblemente el mes que vien, presentaránse los dos discos que componen Sirio, de los que va cinco meses presentaben un  primer estractu como presentación del so trabayu, que destaca pola so curiaisima presentación visual y que lleva’l nome del perru d’Orión, Sirio, la estrella que más relluma nel cielu nocturnu, na constelación Canis Maior.
El discu 1, al que pertenez esa presentación, ye una obra estrumental con una duración de 74 menutos.
El discu 2, con dellos temes, tendrá una duración de 50 menutos.
Sirio cuenta cola collaboración de munchos conocíos artistes de l’escena musical asturiana y de fuera d’ella.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies