Llanes nun ye l’únicu conceyu que carez d’estos problemes nuna Asturies na que’l turismu foi priorizáu demientres décades en detrimentu de les actividaes tradicionales. La proteición llegal de la figura del perru pastor ye un pasu nel camín de priorizar la vida rural tradicional de los pueblos per delantre de la comodidá del visitante

Tres de les decenes de conflictos pente turistes y ganaeros, el gobiernu municipal decidió sacar esta ordenanza que revindica la figura de los perros de trabayu y trata de garantizayos la so tranquilidá nel desendolcu del so llabor.

Gracies a esta normativa, los perros guardianes y pastores tendrán ciertos privilexos en virtú del so llabor, comu poder tar sueltos ensin bozal o el drechu a defender el ganao cuando sientan que ta siendo menaciao, evitando casos comu’l reciente del ganaeru que tuvo d’indemnizar con 3.000 € a unos turistes pol ataque al so perru por parte d’un mastín cuando’l primeru, sueltu ya ensin bozal, se metió pente les oveyes.

El testu, ellaboráu cola collaboración de World Wildlife Fund, señala les zones ganaeres y víes pecuaries, onde l’actividá ganaera tendrá prioridá sobre cualisquier otra; nestes zones, los perros de compañía tendrán de dir amarraos y recueye sanciones de fasta 300€ pa quienes estorben a los animales o abran los preslles de les finques, pente otres midies.

This work is licensed under a Creative Commons Attribution 4.0 International License.