• Portada
  • >
  • Economía
  • >
  • Denuncien la maniobra de les llétriques pa desviar clientes al mercáu desregularizáu

Denuncien la maniobra de les llétriques pa desviar clientes al mercáu desregularizáu

  • 31 Agosto, 2021

La Xunión de Consumidores d’Asturies denuncia les maniobres de la petrolera francesa Total pa esviar a los veceros del mercáu reguláu d’enerxía -más baratu- escontra’l mercáu lliberalizáu

Depués de que EDP engañare a costafecha a miles de veceros asturianos, a los qu’ensin la so conocencia y consentimientu espreso, pasaron del mercáu reguláu TUR-PVPC, al mercáu lliberalizáu, agora’l nuevu propietariu de les comercializadores, tantu en regulao como llibre, la petrolera francesa TOTAL y ensin perder el ritmu -como diz la so campaña de marketing- ta penalizando económicamente y de forma que dende la Xunión de Consumidores consideren manifiestamente illegal a los sos usuarios.
La Xunión de consumidores ve mala fe nel fechu de que los postreros tres meses, los más caros de la hestoria de la tarifa llétrica, nun s’emitieren factures, atropando los importes de xunu, xunetu y agostu, de manera que los veceros del mercáu reguláu van recibir una factura desaxeráo que sume l’importe de los tres. Con ello, denuncien, lo que traten ye de desprestixar el mercáu reguláu, más baratu, animando a los veceros a pasar al mercáu llibre enforma mas caru y en manos puramente de la voluntá de la Llétrica.
Dende la Xunión de Consumidores d’Asturies van presentar denuncia énte la *CNMC, Industria del Principáu y Consumu, “pa evitar la impunidá cola que desprecien a los sos veceros, el sector colos beneficios económicos mas escandalosos, gracies al engañu a los veceros y los favores de los poderes públicos”.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies