L’Espanyol posa’l güeyu en Mareo

  • 13 Agostu, 2021

 El combináu pericu centró les sos intenciones en José Grajera, mediocentru sportinguista
Y non solo fueron los blanquiazules los interesaos, sinón qu’otros equipos de primera comu’l Valencia o’l Xetafe interesáronse nos servicios del mediucampista natural de Xixon y canteranu roxiblancu.
José xugó 32 partíos de la temporada, lo que lu convierte nun imprescindible pa los planes de David Gallego, por ello’l sporting nun se plantega una vienta del xugador sacante por una cantidá economica que supere enforma’l so valor de mercáu, asitiáu pola reconocida web alemana transfermarkt nos 700 mil eurospor lo que podemos suponer qu’en Maréu nun aceptaríen menos de 2-3millones pol xugador.
La dificultá d’esta salida non solo xenera el valor del xugador pal equipu, sinón la dificultá pa sustituyilu cuidao que nin Nachu Mendez nin el recien llegáu Christian Rivera paecen tener l’enfotu del mister. La retirá de Javi Fuego fae necesaria l’alquisición d’un nuevu mediucentru si vienden a Grajera, puesto que l’equipu xuega con un doble pivós, precisando siquier cuatro efeutivos pa la posicion.
Otra razón qu’alloña al xugador de salir de Xixón ye lo prometedor del xugador y l’apueste pola mocedá del equipu, que busca apostar cada vez más pola cantera y por remocicar la plantiya pa formar un equipu que pueda algamar la primer división.
Entós, ¿ye realmente posible la marcha del xugador? Si, pero la ufierta que lo lleve hai de cumplir unos requisitos bien altos, superando enforma’l valor del mediucentru y ye dificil qu’un recien xubíu como’l club pericu decida apostar por una incognita asina.

 

Nel Dos Santos

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies