Qué espera Fernando d’esta nueva temporada a los mandos del Alpine
Tres d’un entamu de temporada d’altibaxos Fernando preslló la primer etapa del calendariu con una carrera xenial n’Hungría, llevándose’l Pilotu del día gracies a la so terrible defensa énte’l siete vegaes campeón del mundu Lewis Hamilton, opacando la fazaña del so compañeru Ocon, que se llevo la victoria nel circuitu maxar.
Pero cola movición d’esta temporada, que ta dándonos grandes carreres y una fervosa llucha pol campeonatu de costructores, pocos s’alcuerden del inminente cambéu qu’espera la categoría y ye qu’a siete meses del entamu de la temporada 2022 la F1 preparase pa un cambéu radical que puede camudar dafechu’l paradigma de la categoría, siendo’l primer cambéu de la hestoria d’esti esporte que busca favorecer l’espectáculu y non la innovación teunolóxica de los automóviles. Esti cambéu de normativa dexa una vía a los equipos pa oldease ente sí, lo que motiva a Fernando pa volver a la competición; pero ¿que podemos esperar d’el? Magic Alonso amosóse bien sele, en busca de la diversión en pista mientres esta temporada, lo que nos fai creer que s’atopa énte una situación na que ta cómodu, pero pocos créen qu’el Nano tornare pa correr y non pa ganar.
Agora la entruga ye, ¿ta l’equipu Alpine preparáu pa encarar l’ambición del pilotu más talentosu de la década pasada? O ta Alonso atayáu por nun poder competir na zona que-y correspuende?. munchos creen que l’asturianu prepara la temporada 2022 con ganes, buscando completar la so fazaña na categoría reina del motor sport, volviendo lo más alto, otros perdieron la esperanza en que Fernando consiga’l so tercer títulu mundial.
Nel Dos Santos
This work is licensed under a Creative Commons Attribution 4.0 International License.
