Onde van encaxar los fichaxes que realizó’l combináu azulón esta temporada
Los xugadores fichaos esti añu polos carbayones tienen un oxetivu común, reforcoar los prosimos años del equipu, una y bones la mayoría d’ellos tán perbaxo los 25 años y tán nel procesu d’entrar nos meyores años de la so carrera.
El primeru de los xugadores alquiríos foi Joni Montiel, xugador de 22 años llegáu en forma de cesión del Rayu Vallecanu. La mediapunta natural de Madrid llega al Real Uviéu coles mires d’ameyorar non solo’l xuegu ofensivu sinón tambien el manexu de balón, una y bones l’esxugador del equipu vallecanu destaca sobremanera na so calidá nel pase y col balón nos pies. Joni participa nun gol, yá seya marcando o asistiendo cada 3 partíos, polo qu’ensin duda, va ameyorar la cota goliadora del equipu.
Matheus Aías, recien llegáu en prestamu dende’l Orlando City, ye’l nuevu punta del Uviéu. El brasileñu ye un xugador que se caracteriza pola so movilidá en espacios abiertos y la so capacidá pal choque cola defensa rival. Al contrariu qu’el so predecesor, l’arxentín Blanco, Matheus ye un xugador que la so zona d’actividá amenórgase enforma al area rival, representando al míticu punta de divisones inferiores, que la so braera función ta llueñe del xuegu y amenórgase a baxar balones y sobremanera, a marcar goles.
Cola avanzada edá de Mossa, l’Uviéu precisaba reforzar el llateral esquierdu, y viose ante una gran oportunidá de mercáu al fichar llibre al francés del sabadell, Pierre Cornud. El llateral galu caracterizase pola so capacidá pa xunise al ataque y apurrir dende segunda fila cola so habilidá pal centru y l’encha.
Tres la marcha de Borja Abargane, los azulones buscaron nel esóticu Estrella colorada’l xugador que completara la so cuota d’estremos, trayendo asina al habilidosu Erik Jirka, quien llegó a les 20 participaciones en goles na temporada pasada con 11 goles y 9 asistencies. como tou estremu que s’aprecie, Erik controla’l regate y el centru, pero esti xugador nun se queda solo ende, cuidao que tambien inflúi enforma na circulación de balón y tien una gran habilidá de cara a portería.
A naide se-y escapa que pa un equipu como l’Uviéu’l presupuestu ye bien importante, poro la central con bonos xugadores, fichó llibres a Dani Calvo y David Mariñes, xugadores del Elx y del Celta de 26 y 27 años respeutivamente. Estos xugadores tan enfocaos ensin dulda a caltener l’estilu defensivu, fuerte tras del equipu del Tartiere, siendo la so meyor capacidá la defensa del area y el xuegu aéreu. Ensin dulda van formar un muriu inespugnable alredor del area Joan Femenías.

Nel Dos Santos

This work is licensed under a Creative Commons Attribution 4.0 International License.