Cientos d’asturianos manifestáronse pa reclamar el fin del bloquéu a Cuba y denunciar la manipulación mediática sobro los recientes asocedios na islla

La Plaza de L’Habana, xuntu al monumentu al poeta José Martí, foi l’escenariu de la concentración convocada p’amosar el sofitu del pueblu asturianu a Cuba y la so Revolución, denunciando la manipulación y l’inxerencia per parte de potencies estranxeres y reclamando, una vegada más, el fin del Bloquéu que lleva décades castigando al pueblu cubanu por nun plegase a les desixencies d’EEXX y el capitalismu.
L’actu enmárcase na conmemoración del 26 de xunetu, Día de la Rebeldía Nacional cubana, que los xixoneses cellebren dende esa mesma plaza nestes feches tolos años.

Tamién en solidaridá col pueblu cubanu y col enfotu de ayudar a romper el bloquéu, nel Llar Social El Mataderu recueyen tolos miércoles mázcaros pa unviar a Cuba.

Nuria Prendes

This work is licensed under a Creative Commons Attribution 4.0 International License.