Una selmana cultural y d’arruelu va centrar les fiestes d’El Carmen 2021, nes que va haber actividaes para tolos públicos nel Muelle Vieyu
El Conceyu de Gozón entama una selmana cultural y d’arruelu por cuenta de les fiestes d’El Carmen 2021, ente’l martes 13 de xunetu y el domingu 18. El programa inclúi cine al campu, conciertos d’estilos musicales variaos y espectáculos pa los pequeños de la casa nel Muelle Vieyu de la villa.
Por cuenta de la situación sanitaria refuguense los grandes eventos en favor d’alternatives “afeches”, con un protocolu anticovid que va obligar al usu del mázcaru, a permanecer sentáu guardando la distancia interpersonal y qu’afita un aforu máximu de 600 persones, previa reserva de plaza na páxina web www.fiestasdeluanco.com o na Oficina de Turismu nel so horariu avezáu d’atención al públicu.
Dientro la programación destaca la importante presencia d’artistes asturianos, dedicándose’l 16 de xunetu a Cantares de la mina y la mar de Chus Pedro y el 17 a la Folixa Rock, con grupos asturianos. La programación infantil tamién apuesta polo asturiano, cola actuación el día 18 del grupu infantil Pop Piquiñín.
Redaición InfoAsturies
This work is licensed under a Creative Commons Attribution 4.0 International License.
