Un trenín de feria per Picos, la cabera babayada del turismu n’Asturies

  • 30 Xunu, 2021

Cuando l’enfotu de tornar Asturies nun descomanáu parque temáticu topa cola indiferencia d’una alministración dimpuesta a dar de pasu cualisquier proyeutu ensin valorar el so impautu danse situaciones tan ridicules comu un trenín de Mercaplana percorriendo Picos colos sos vagones fosforitos

Permitome compartir ésta noticia pola so tremenda consecuencia ya impautu a quienes vamos a esfrutar del monte con tolo que conlleva horizontes, plantes, animales, aire puro y éses impresionantes catedrales que nos presta tanto subir ,baxar, esguilar etc..equí ta’l proyeutu más descabelláu que se fadrá nos Picos d’Europa

Güei ye un día bien murniu. N’un de los llugares más bellos del nuesu país. Nun paraxe nel que la naturaleza caltiense d’una manera esquisita. Nun llugar que ye padremoñu de toos, que los sos habitantes caltuvieron maraviosamente. Nun llugar que’l so mayor valor ye caltenelu como ta. Nesti llugar yá ta en marcha’l proyeutu que podéis ver na semeya. Un proyeutu propiu d’un parque d’atraciones o d’un llugar de turismu de mases de bien escasu gustu: solo fai falta afitase nel carruaxe, les sos formes y los sos colores. Un proyeutu que nun apurre nada dende nengún puntu de vista, sacante al promotor del proyeutu.
Anque paeza increíble esti carruaxe llueu va derromper un Parque Nacional, tamién les sos llindes. El Parque Nacional de los Picos d’Europa. El nuesu primer Parque Nacional. Un llugar que tendría de ser un auténticu símbolu del caltenimientu de la natura y los sos valores.
Aparcáu na llende’l Conceyu de Cillórigo de Llébana va invadir les pistes del Valle de Llébana qu’hasta agora yeren percorríos pola xente de la zona, escursionistes, ciclistes…
¿Nel añu 2021 quién ye quien a defender esti tipu de turismu propiu d’otres dómines y otros llugares?.

 

Del Facebook de Lisel Nonato Menendez de Llano

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies