Esti ochobre la sidre tornará a ponese de Gala en Xixón

  • 25 Xunu, 2021

La XI edición del Salón Internacional de les Sidres de Gala traerá a Xixón, del 30 setiembre al 3 d’ochobre, sidres de tol mundiu

Entamáu pola Fundación Asturies XXI, el Salón Internacional de les Sidres de Gala, cellebra esti añu la so undécima edición. Esti eventu non solo trae a Asturies llagareros de dellos países pa presentanos los sos productos, sinón que ye un escaparate esceicional pa que los llagareros asturianos ufran les sos meyores sidres de copa al restu’l mundiu.

Los organizaores del eventu ven na esperiencia del SISGA del añu pasáu, que se cellebró en plenu andanciu, y tuvo un perimportante conteníu online, una oportunidá p’afondar nel componente en llínia, pero al mesmu tiempu esperen que la situación pa eses feches seya de rellativa normalidá, colo que se retomarán les actividaes presenciales, que tendrán esi añu un enfoque más téunicu y profesional.

Una novedá sedrá l’Alcuentru de periodistes, fotoperiodistes y bloguers de la sidre, que tendrá llugar dientru’l propiu SISGA.

Amás, el Xuráu Internacional que decide los Premios SISGA aconceyará en dos xornaes separtaes, na primera d’elles dedicá a la sidre de copa y d’espolleta, y la segunda  a la sidre de pera, llicores, sidre de xelu / fueu y auguardientes de sidre. Dientro les actividaes abiertes al públicu tan plantegaes delles tasties guiaes y degustaciones ya’l domingu 3 d’ochobre tendrá llugar el Brunch de Gala, nel qu’harmonizaránse sidre y propuestes gastronómiques nun actu demientres el que tendrá llugar la entrega de los Premios SISGA.

Previendo la necesidá de continuar coles precauciones sanitaries, la participación pública nel SISGA cuntará con un númberu llimitáu de places pa participar nes tasties guiaes, y habrá dos xornaes pa degustar la sidre, n’horariu de 19 a 21 hores.

L’eventu, entamáu pola Fundación Asturies XXI, cunta col sofitu de la Conseyería de Mediu Rural, l’Ayuntamientu Xixón, la Caxa Rural de Xixón, y la revista LA SIDRA.

 

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies