• Portada
  • >
  • Llingua
  • >
  • Tola información sobro l’avance de la vacunación, n’asturianu

Tola información sobro l’avance de la vacunación, n’asturianu

  • 23 Xunu, 2021

L’aniciativa privao cubre’l vacíu de la información n’asturianu con una páxina qu’apurre datos actualizaos sobro la evolución de les vacunaciones

Un desendollcaor informáticu que se fai llamar midudev nes sos redes sociales, sigles que respuenden a Miguel Ángel Durán, punxo en marcha una web pa ver d’una güeyada comu s’atopa’l procesu de vacunación en tol Estáu frente a la COVID-19.

La páxina https://covid-vacuna.app amuesa d’una güeyada el númberu de dosis distribuyíes, el númberu de dosis alministraes y el porcentaxe de población vacunada, tantu a nivel estatal como por territorios. La páxina ñació, dende l’entamu, siendo un proyeutu de códigu llibre abiertu a les contribuciones de cualquier persona que quixera echar un gabitu.

El so furrulamientu ye cenciellu y actualízase automáticamente cuando’l Gobiernu ufierta nuevos datos. Pinchando na esquina inferior drecha, l’usuariu pue dirixise a una interfaz más detallada que, amás de la información sobro les dosis recibies y alministraes, amuesa’l porcentaxe de la población con pauta completa (aquelles persones que recibieron toles dosis necesaries pa inmunizarse) y una tabla coles estadístiques, tollo con gráficos que faen más fácil interpretar l’avance.

“El Gobiernu tien una páxina asemeyá, tampoco ye que la mio páxina seya mil vegaes meyor qu’otra” reconoz Durán.”El Ministeriu de Sanidá tien estos datos, pero tienlos nun PDF y tienes qu’entrar a comprebar de qué día son. Ye más malo d’aportar y la xente tien que ponese a buscar. La diferencia de la mio páxina ye qu’inclúi daqué tan cenciello como cuántu hai que s’actualizó la información”. Eso y que esta páxina da la información n’asturianu, amás d’en español, catalán, euskera y gallegu.

Esto ye posible gracies a la collaboración ciudadano, ya foi l’unvíu desinteresáu a Miguel Ángel Durán de la torna al asturianu lo que permitió ufiertar la páxina nel nuesu idioma, cubriendo un vacíu que l’alministración asturiana nun paez dimpuesta a enllenar. Los responsables de les páxines oficiales y aplicaciones rellacionaes con información sobro’l Covid-19, como’l renomáu Radar Covid recibieron tamién la correspondiente torna al asturianu, ufiertada desinteresadamente por miembros de Softastur, pero’l Ministeriu niégase a espublizales allegando que “solo va tar disponible nos idiomes oficiales d’España” por casu, el gallegu, catalán, euskera, español ya inglés.

 

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies