• Portada
  • >
  • Cultura
  • >
  • La IX Selmana del Jazz en Candás entama’l 4 d’Agostu

La IX Selmana del Jazz en Candás entama’l 4 d’Agostu

  • 22 Xunu, 2021
La Selmana del Jazz de Candás recupera esti añu los sos cursos d’improvisación
La Selmana del Jazz, festival de música improvisao que lleva cellebrándose de magar el 2013, nun faltará tampocu esti añu a la so cita -foi de los pocos eventos musicales que caltuvo una programación de conciertos l’añu pasáu, pesi a les restriciones impuestes pol andanciu- . Aunque esti añu tampocu van a poder recuperar toles actividaes de la Selmana del jazz, sí que van poder facer el cursu d’improvisación y caltener los conciertos, cuatro en total, que tendrán llugar nel escenariu principal, na Fábrica d’Ortiz.

Estos caberos, con series llimitaciones no que cinca al númberu d’asistentes,  tarán especializaos en 4 istrumentos: guitarra, a cargu de Giovanni Yañez, baxu, impartía por David Casillas, batería, que dará Jorge Cambareli, Saxu ya istrumentos melódicos, con Xaime Viejo al frente y finalmente pianu, a cargu de Xaime Arias. La matrícula fadráse por rigurosu orde de solicitú, que tendrá de facese telemáticamente na web de la selmana del Jazz.

Les actuaciones, con entrada de baldre, aniciaránse’l miércoles 4 d’Agostu, día nel que’l cartel cuntará col conciertu de Marco Martínez Noi, y continuarán dica’l sábadu siete, cuando’l Roberto Gimeno Quartet pondra’l preslle al eventu. En mediu, David Cid Trio +Perico Sambeat actuarán el xueves ya’l vienres tendremos la triple participación de De Miguel +Arias + Del Pozo..

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies