Xixón: tol Cantábricu a los tos pies

  • 18 Xunu, 2021

Xixón Turismu ellabora y esparde un vídeo nuevu nel qu’afita la ciudá asturiana como’l destín central de surf de tol Cantábricu y s’amuesa lo afayadizo de Xixón pa unes vacaciones venceyaes a esti esporte

Xixón cuenta con una gran tradición de surf. La ciudá tien 3 foles de sonadía: Peñarrubia, la Roca y Xabonera. La sablera de San Llorienzu ye un referente pa la práutica del surf, tanto pa los qu’entamen como pa los más profesionales. Arriendes d’ello, ta asitiáu estratéxicamente pa oder averase a les meyores foles del Cantábricu pa esfrutar d’un día de surf.

“A menos d’una hora podemos esfrutar de les meyores sableres d’ Asturies pa facer surf y, si yá cuntamos 2 o 3 hores, podemos averanos a cuasi tol Cantábricu”, sorrayó na presentación Santos Tejón, conceyal de Promoción Económica, Empléu, Turismu y Comerciu Llocal de Xixón.

Esto ye lo qu’asoleya’l vídeo nuevu promocional de Xixón Turismu, que tá disponible en castellanu, inglés, francés y portugués. Ye un trabayu que busca afitar la ciudá asturiana como’l centru del surf del Cantábricu. El spot va emplegase n’aiciones promocionales de Xixón Turismu. Amás, va reforciase con una campaña de publicidá empobinada a persones con interés en viaxes y deportes acuáticos. Esta campaña va asoleyase agora en xunu y, previsiblemente, a lo llargo d’esti añu y el viniente dientro la estratexa publicitaria xeneral de Xixón Turismu.

“La ciudá cuenta con una ufierta bayurosa de servicios pa los amantes del surf. Equí puen atopar agospios especializaos, escueles de surf, comercios, talleres… Y tamién una gran ufierta d’espardimientu: bares, conciertos, festivales, fiestes, cultura… Gijón/Xixón ta considerada una de les ciudaes con meyor ufierta cultural y d’espardimientu del Norte peninsular “, esplica Tejón.

“Teníamos claro que el vídeo no solo debía mostrar surf, sino también ciudad: ambiente, sidra, gastronomía, música, otras actividades… también tuvimos en cuenta que los aficionados al surf abarcan todas las edades: jóvenes, mediana edad, familias, niños/as…”, comenta Daniel Martínez Junquera, direutor de Xixón Turismu.

Otres aiciones

Na presentación, el direutor de Xixón Turismu aprovechó p’adelantar dalgunos patrocinios d’aiciones venceyaes al mundu’l surf, como’l Madrid Surf Film Festival, que celebra la so edición quinta anguaño n’avientu, o Xixón Surf City. “Tres la reestructuración del sector nesti añu post-pandemia, van analizase otres posibles aiciones empobinaes a afitar Xixón como’l destín central de surf nel Cantábricu”, zarró Martínez Junquera.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies