La Semiente denuncia la estroza del cartelu que punxeren una selmana anantes a la entrá la Campa L’Abeduriu. El cartel afalaba cenciellamente a caltener el llugar llimpiu y esfrutar responsablemente del alrodiu y fore escolingau dientro la Sestaferia de llimpieza de la Campa L’Abeduriu.

Foron les propies vecines de la zona les qu’avisaron indignaes a La Semiente de que daquién estrozare’l cartelu, ante lo que l’asociación reaciona con incredulidá  “¿A qué “valientes y aguerridos campeones” podía molesta-yos un cartel como esi? ¿A quién? ¿y por qué? ¿Qué ye lo que molesta?, que la xente suba a llimpiar? que suba a pasar el día cola familia? que suba a dar un paséu? a faer deporte?” pero tamién con enfotu y optimismu :” Nun pasa ná, d’onde salió esi cartel puen salir más. Nun vamos aparar, nosotres nun furrulamos por perres, ni a piles, ni dando cuerda, faemos les coses por convición y por dignidá, mal que-yos duelga a algunes y algunos”.