Acordies los datos oficiales facilitaos pol “Principado”, nel Parque Nacional de Picos d’Europa na so aguada Asturiana, el númberu de reciella menguó con cifres escandaloses. En 2003 solicitaben camperes pa pacer 19. 222 animales, pente oveyes y cabres; en 2020 queden un total de 5781
Los datos oficiales recueyen una cayía de cuasi’l 70% nel númberu d’animales que curien los ganaeros asturianos, incluso si pa facer la cuenta se sumen les cabres y oveyes correspondientes a l’ampliación de territoriu del Parque a les Peñamelleres, nos años 2006 y 2015.
De nun tomase darréu midies, taríemos asistiendo al desaniciu d’una cultura ya unos vezos perfilaos demientres sieglos poles nueses montañes, quiciás la más puramente asturiana qu’entá se caltién viva.
Una de les opciones baraxaes comu salida a esta situación ye’l que la llexisllación obligue a que les denominaciones d’orixen de los quesos asturianos utilicen esclusivamente llechi catao na so fastera -anguañu ye avezao la importación de llechi de cabra francesa pa la ellaboración de quesos- al tiempu que se promociona’l consumu d’estos quesos. Pa con ello tendría de crease canales efeutivos de venta y enfrentar cuestiones comu les males comunicaciones (físiques y de rede), la baxa rentabilidá de la ganadería, la desproteición ante la carne foriato, -criao en masa, cola que ye imposible competir en mercáu-, l’escesu de burocratización y la llucha continuo pol espaciu col turismu invasivu.
Llucía F. Marqués
This work is licensed under a Creative Commons Attribution 4.0 International License.
