• Portada
  • >
  • Sociedá/Llaboral
  • >
  • Dos meses dempués de la fuelga, la Conseyera d’Educación aconceya colos sindicatos que la convocaron

Dos meses dempués de la fuelga, la Conseyera d’Educación aconceya colos sindicatos que la convocaron

  • 7 Xunu, 2021

Les temes principales de la xunta fueron l’aplazamientu de les oposiciones y la negociación d’un Alcuerdu d’Interinidá qu’acabe cola inestabilidá d’esti colectivu

El vienres, 4 de xunu, dos meses dempués de la fuelga de profesoráu interín, la Sra. Conseyera d’Educación, Carmen Suárez, aconceyó por fin con una representación de les organizaciones sindicales que llamaron al paru del 14 d’abril para pidir l’aplazamientu de les oposiciones previstes para esti mes de xunu y la negociación d’un nuevu Alcuerdu d’Interinidá n’Asturies.
A dos selmanes del entamu del procesu selectivu, dende SUATEA volvieron aportunar na conveniencia d’un aplazamientu que dexe al profesoráu, obligáu a participar, preparar les pruebes en meyores condiciones, para poder competir n’igualdá de condiciones.
En confirmando, una vegada más, que nun va haber aplazamientu, xusto’l día dempués de que los tribunales canarios almitieron que van valorar la suspensión cautelar de les oposiciones 2021 y magar les duldes que xenera’l Protocolu de Seguridá frente a la Covid, SUATEA propunxo, como solución alternativa, esaniciar la obligatoriedá de tener que presentase a los exames para permanecer nes llistes, tal que axusta l’actual Alcuerdu d’Interinidá, cola condición d’actualizar el baremu y poder incluyir otra nota d’oposición. Énte esta propuesta, l’Alministración
nun ufiertó xuna respuesta concluyente, anque adelantró que’l plazu pa introducir esti tipu de cambeos ye bien afechu, xuna respuesta chocante dempués de faer a los sindicatos esperar mientres más de dos meses.

Otru asuntu encetáu foi’l referíu a la vacunación del profesoráu. Ta pindiu de realizase la inoculación de la segunda dosis. Dende la Conseyería confirmaron que’l SESPA
va dar en camudar les feches, adelantrando les citaciones a los dos primeres selmanes de xunu, por que nun coincida colos exames.
Pa rematar, la Conseyera d’Educación comprometióse a contactar col restu de OOSS pa esquizar la posibilidá d’encetar la negociación d’un nuevu Alcuerdu d’Interinidá. A esti respectu, dende SUATEA recordáronlos que, como parte firmante, ese yera un pasu que podría dar de forma unillateral la mesma Alministración. Tamién treslladaron el so enfotu en que se valoren los argumentos apurríos por SUATEA pa solucionar el grave problema d’inestabilidá que sufre’l profesoráu interín y que vien abasnar dende va décades.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies